🙏वाफोली येथील युवतीचे आकस्मिक निधन🙏

🙏वाफोली येथील युवतीचे आकस्मिक निधन🙏

🔥 जिल्हा रुग्णालयात घेत होती उपचार...

बांदा:-सुविधा वागळे
वाफोली वझरीवाडी येथील पुजांगी विठ्ठल सावंत (२२) या युवतीचे ओरोस रुग्णालयात अखेर बुधवारी रात्री निधन झाले. गेल्या आठवड्यापासून तीला श्वसनाचा त्रास जाणवत होता. जानेवारी महिन्यात पुजांगी आपल्या काकांकडे मुंबईत नोकरीसाठी गेली होती. मुंबईत ती आजी सोबत चालत असताना अज्ञात वाहनाने तीला ठोकरले होते. अपघातातील मुक्या माराचा तीला त्रास जाणवत होता. त्यामुळे उपचारासाठी ती मार्च महिन्यात गावी वाफोलीत आली होती.
काही दिवसांपासून तीला श्वास घेताना त्रास जाणवत होता. रविवारी तीला धाप लागत असल्याने नातेवाइकांनी खासगी डॉक्टरकडे उपचारासाठी नेले. सोमवारी पुन्हा त्रास जाणवल्याने बांदा प्राथमिक आरोग्य केंद्रात दाखल केले. तीची तब्येत अधिकच बिघडल्याने प्रथम सावंतवाडी उपजिल्हा रुग्णालय व त्यानंतर ओरोस जिल्हा रुग्णालयात हलविण्यात आले.
पुजांगीचा कोरोना टेस्ट रिपोर्ट बुधवारी सायंकाळी प्राप्त झाला होता. रिपोर्ट निगेटिव्ह आल्याचा मेसेज करुन तीने नातेवाईक व मैत्रिणींना कळविले होते. तीने कोरोना रिपोर्ट निगेटिव्ह असा व्हॉटस्अॅप स्टेटसही ठेवला होता. मात्र, बुधवारी रात्री १० वाजण्याच्या सुमारास तीचा उपचारादरम्यान मृत्यू झाला. पुजांगीच्या निधनाने वाफोली गावावर शोककळा पसरली आहे. तीच्या पश्चात आई, वडील व दोन भाऊ असा परिवार आहे.