१ मे रोजी फक्त जिल्हाधिकारी कार्यालयातच ध्वजवंदन

सिंधुदुर्गनगरी : अमित तेंडोलकर

१ मे हा महाराष्ट्र राज्याचा स्थापना दिन. या दिवशी राज्यभरात सर्व शासकीय, निमशासकीय कार्यालये, खाजगी संस्था, सहकारी सोसायटी या ठिकाणी ध्वजवंदनाचा कार्यक्रम संपन्न होत असतो. पण, यंदा कोरोना विषाणूच्या संसर्गाच्या पार्श्वभूमीवर दिनांक १ मे या महाराष्ट्र राज्य स्थापना दिनी फक्त जिल्हाधिकारी कार्यालयामध्ये ध्वजवंदन करण्यात येणार असल्याचे जिल्हाधिकारी के.मंजुलक्ष्मी यांनी कळविले आहे. तसेच या दिवशी इतर कोणत्याही ठिकाणी ध्वजवंदन करण्यात येऊ नये असे आदेश जिल्हाधिकारी के.मंजुलक्ष्मी यांनी दिले आहेत.